आज: | Sat, 16, Oct, 2021
FLASH NEWS

उपत्यकामा सञ्चालित सार्वजनिक सवारी साधनको भाडा बढ्यो


नेपाल आवाज २१ आश्विन २०७८, बिहीबार ०७:५८ मा प्रकाशित १२७ पाठक संख्या

काठमाडौँ । काठमाडौँ उपत्यकामा सञ्चालित सार्वजनिक सवारी साधनको भाडामा वृद्धि भएको छ । वाग्मती प्रदेशको भौतिक पूर्वाधार विकास मन्त्रालयले आज काठमाडौँ उपत्यकासहित वाग्मती प्रदेशमा सञ्चालित सार्वजनिक सवारी साधनको भाडा वृद्धि गरेको हो । वाग्मती प्रदेशमा १३ जिल्ला छन् ।

काठमाडौँ उपत्यका बाहिरको ह’कमा २३ प्रतिशतले भाडा वृद्धि गरेको वाग्मती प्रदेश सरकारले काठमाडौँ उपत्यकामा भने किलोमिटरका आधारमा भाडा बढाएको हो । उपत्यकाभित्र सार्वजनिक सवारी साधनमा शू’न्य किलोमिटरदेखि पाँच किलोमिटरसम्म रु १८, १० किलोमिटरसम्म रु २३, १५ किलोमिटरसम्म रु २७, २० किलोमिटसम्म रु ३० र २० किलोमिटरभन्दा माथि रु ३५ भाडादर कायम गरेको छ ।

भौतिक पूर्वाधार तथा यातायात मन्त्रालयको विसं २०७८ असार २७ को मन्त्रिस्तरको निर्णयानुसार यातायात व्यवस्था विभागबाट विसं २०७८ असार २९ गते अन्तर प्रदेश रुटको भाडा समायोजन गरेर प्रदेशभित्र सञ्चालन हुने छोटो रुटको ह’कमा प्रदेश सरकारबाट नै भाडा समायोजन गरिनुपर्ने का’नूनी व्यवस्था गरेको थियो ।

नेपाल यातायात व्यवसायी राष्ट्रिय महासङ्घका महासचिव सरोज सिटौलाले सार्वजनिक सवारी साधनमा भाडा वृद्धि गरे पनि ट्याक्सीको ह’कमा भाडा वृद्धि नगर्नु दुःखद् भएको बताउनुभयो । ट्याक्सीमा पनि वैज्ञानिक भा’डादर कायम गर्नुपर्ने उहाँको भनाइ थियो ।