आज: | Sat, 27, Nov, 2021
FLASH NEWS

सूर्यको पूजा आराधना गरिने छठ पर्व आजदेखि सुरु


नेपाल आवाज २२ कार्तिक २०७८, सोमबार ०९:२९ मा प्रकाशित १९९ पाठक संख्या

काठमाडौं। भगवान सूर्यको पूजा आराधना गरिने छठ आजदेखि विधिवत रुपमा सुरु भएको छ। कात्तिक शुक्ल चौथीदेखि सुरु हुने तराई मधेशमा मनाइने सबैभन्दा ठुलो पर्व छठ आजबाट सुरु भएको हो । यो पर्व चार दिन सम्म मनाइन्छ ।

आज कात्तिक शुक्ल चौथीको पहिलो दिन नहाखाय गरी छठ व्रतालुहरूले आफूलाई शुद्धीकरण गरी घरआँगन चोख्याउने गरेसँगै छठ सुरु भएको छ। आज नयाँखाय गरेर चोखिने र मंगलबार खरना पूजा गरिनेछ भने पूजाको मुख्य दिन साँझियाँ घाट बुधबार मनाइँदैछ।

धार्मिक मान्यताअनुसार खरनाकै दिन छठ पूजाको पहिलो दिन मानिन्छ ।साँझियाँ घाट कात्तिक शुक्ल षष्ठीमा मनाइन्छ। साँझियाँ घाटको पूजामा व्रतालुहरू तयार पारिएको पूजा सामग्री डालोमा राखेर परिवारको सबै सदस्यसहित नदी,तलाउ,पोखरीलगायत स्थानमा पुगेर किनारमा मिलेर छठी माता र सूर्य देवको भजनकीर्तन गरी साँझ अस्ताउँदो सूर्यलाई अघ्र्य दिएर मनाउने गरिन्छ।
छठ पर्वमा भगवान सूर्यलाई प्रसादको रुपमा ठेकुवा, भुसुवा, केरा, मिठाइ, उखु, नरिवल, पान, सुपारीलगायत प्रसादका सामग्री नयाँ माटोका भाँडो र बाँसको टोकरीमा राखेर सूर्यदेवलाई अर्पण गरिन्छ । यो पर्व एकपल्ट सुरु गरेपछि हरेक वर्ष गर्नुपर्ने हुन्छ ।