आज: | Fri, 26, Jul, 2024
१५०७ पाठक संख्या
काठमाडौं – कोशी प्रदेशमा सत्ता गठबन्धन दलहरूबाट १-१ जना मन्त्री सरकारमा पठाउने सहमति भएको छ । मंगलबार नियुक्त मुख्यमन्त्री उद्धव थापाले बुधबार ५ बजे शपथ ग्रहण गर्ने भएका छन् ।
उनीसँगै सभामुखबाट राजीनामा दिएका माओवादी केन्द्रका बाबुराम गौतम, नेकपा एकीकृत समाजवादी पार्टीका कमलप्रसाद जवेगु र कांग्रेसबाट प्रदीप सुनुवारले शपथ ग्रहण गर्नेका भएका छन् ।
मंगलबार सभामुख पदबाट राजीनामा दिएका गौतमलाई आर्थिक मामिला तथा योजना मन्त्रालय दिने भएको छ । जवेगुलाई भौतिक पूर्वाधार मन्त्रालय र सुनुवारलाई पर्यटन मन्त्रालयको जिम्मेवारी दिने सहमति भएको हो ।
पहिलो चरणमा मुख्यमन्त्रीसहित चार जनाले शपथ ग्रहण गर्ने भएका छन् । मुख्यमन्त्री र मन्त्रीले बुधबार अपराह्न ५ बजे शपथ ग्रहण गर्ने भएका हुन् । उनीहरूले आजै बिहान साढे १० बजे शपथ ग्रहण गर्ने तयारी भएको थियो ।
