आज: | Sun, 24, Nov, 2024
७७५ पाठक संख्या
रोम। पोप फ्रान्सिसले रोमको जेलमा रहेका १२ कैदी महिलाको खुट्टा धोएका छन् । आफ्नो सेवा र नम्रतालाई जोड दिनको लागि पवित्र अनुष्ठानमा रोमको जेलमा १२ महिला कैदीहरूको खुट्टा धोएर चुम्बन गरेका हुन् ।
८७ वर्षीय फ्रान्सिसले आफ्नो ह्वीलचेयरबाट ती अनुष्ठानको कार्य गरेको अन्तराष्ट्रिय सञ्चारमाध्यमले जनाएका छन । भर्खरका बिरामीहरूले उनको गतिशीलता समस्याहरू बढाए पछि उनी रोमको जेलमा पुगेका हुन् ।
रेबिबिया जेल स्थलमा उनको आवश्यकताहरू समायोजन गर्न सजाइएको थियो र महिलाहरू स्टूलमा बसेका थिए, जसले पोपलाई आफ्नो ह्वीलचेयरबाट सजिलैसँग खुट्टा धुन मिल्ने गरी सिंहसान बनाइएको थियो ।
पोप फ्रान्सिसले सुरूमा खुट्टा धोए, जसका लागि एउटा एउटा नाङ्गो खुट्टामा बिस्तारै पानी खन्याए र सानो तौलियाले पुछन् थाले पछि धेरै महिलाहरू रोएका थिए । उनले प्रत्येक खुट्टामा चुम्बन गरेर साहस बढाउन प्राथना गरे र सबै महिलाको अनुहारमा मुस्काउन ल्याउने भावसहित उनीहरूसँग पोपले आँखा जुधाए ।
पवित्र बिहीबार खुट्टा धुने समारोह प्रत्येक पवित्र हप्ताको एक विशेषता हो । परमेश्वर येशूले उनलाई क्रूसमा टाँगिनु अघि आफ्नो १२ प्रेषितहरूको अन्तिम रात्रिभोजमा खुट्टा धोएको सम्झनामा यसो गरिदै आइएको छ ।
फ्रान्सिसले २०१३ मा पोपको रूपमा आफ्नो पहिलो पवित्र बिहीबारदेखि नै महिला र अन्य धर्मका मानिसहरूलाई १२ मा समावेश गर्न जोड दिएर भ्याटिकनको लागि अनुष्ठानमा क्रान्ति ल्याएका थिए । यसअघि पोपहरूले रोमको बासिलिकामा मात्र क्याथोलिक पुरुषहरूमा अनुष्ठान गर्ने गरेका थिए । तर, फ्रान्सिसले भने महिलाको खुट्टा धोएका हुन् ।
