आफूलाई अभियन्ता भन्ने आशिका तामाङ पक्राउ !

आफूलाई सामाजिक अभियन्ता बताउने आशिका तामाङ पक्राउ परेकि छिन् । यतिखेर उनि प्रहरीको नियन्त्रणमा छिन्। उनलाई काठमाडौंको विभिन्न सार्वजनिक स्थानमा अभद्र व्यवहार गर्ने आरोपमा पक्राउ गरिएको हो।

प्रहरीले उनलाई बुधबार दिउँसो काठमाडौंबाट पक्राउ गरी प्रहरी वृत्त गौशालामा राखेको हो। जिल्ला प्रहरी परिसर काठमाडौंका प्रवक्ता एसपी नवराज अधिकारीका अनुसार तामाङलाई अभद्र व्यवहारको मुद्दामा जिल्ला प्रशासन कार्यालयबाट पक्राउ पुर्जी प्राप्त गरेपछि पक्राउ गरिएको हो।

तामाङले विभिन्न सार्वजनिक स्थलमा पुगेर भिडियो बनाएर सामाजिक सञ्जालमा पोस्ट गर्ने गरेकि थिईन् । ती भिडियोहरूमा उनले आफूलाई अभद्र शैलीमा प्रस्तुत गर्ने गर्थिन्।

केही दिन अघि तामाङले ड्युटीमा रहेका प्रहरी अधिकारीलाई ‘बर्दी खोलेर नाङ्गै हिँड्नुस्’ भनेर अभद्र टिप्पणी गरेकि थिईन् ।