रवि लामिछानेको चालक तीन तलाको घरबाट खसेको अवस्थामा फेला

चितवन, ४ वैशाख । राष्ट्रिय स्वतन्त्र पार्टीका सभापति रवि लामिछानेका चालक ३९ वर्षका शम्भु भनिने दिलबहादुर थापा चितवनस्थित एक घरको तीन तलामाथिबाट खसेको अवस्थामा फेल परेका छन् । उनी बिहान ४ बजे तीन तलामाथिबाट खसेको अवस्थामा भेटिएको प्रहरीले जनाएको छ । उनको टाउको र खुट्टामा गम्भीर चोट लागेको छ ।

गम्भिर घाईते भएका थापाको पुरानो मेडिकल कलेजका उपचार भइरहेको जिल्ला प्रहरी कार्यालय चितवनका प्रवक्ता विजयराज पण्डितले जानकारी दिए ।

थापाको घर सिन्धुपाल्चोकको बाह्रबिसे भएको प्रहरीले जनाएको छ । घटनाको विषयमा थप अनुसन्धान भइरहेको प्रहरीले जनाएको छ । यसै क्रममा पार्टीका प्रवक्ता मुकुल ढकालका सवारी चालकलाई प्रहरीले पक्राउ गरेको छ ।

प्रहरीका अनुसार थापासँगै सुतेका रास्वपाका प्रवक्ता ढकालका सवारी चालक कालुराम राजवंशीलाई नियन्त्रणमा लिएर सोधपुछ थालिएको हो। तीन तले घरमा रहेको सीसीक्यामेरामा थापा खस्दै गरेको देखिएको प्रहरी प्रवक्ता पण्डितले जानकारी दिए ।