आज: | Thu, 21, Nov, 2024
१६४५ पाठक संख्या
काठमाडौं – सरकारले नेपाल प्रहरीमा नायब महानिरीक्षक(डीआईजी)को दुई पद सृजना गरेको छ ।
२२ चैतमा बसेको मन्त्रिपरिषद् बैठकले नेपाल प्रहरीको केन्द्रीय अनुसन्धान ब्यूरो(सीआईबी) र केनाइन कार्यालयमा प्राविधिक प्रहरी समूहतर्फ दुई पद सृजना गर्ने निर्णय गरेको हो । त्यो पदमा कार्यरत पदाधिकारीको कार्याकाल सकिएपछि यो पद स्वतः खारेज हुनेछ ।
स्रोतका अनुसार, सीआईबी मातहत रहेको साइबर ब्यूरोका प्रमुख एसएसपी नविन्द अर्याल र प्रहरीको कुकुरसम्बन्धी केनाइन कार्यालयकी एसएसपी डा. देउती गुरुङलाई बढुवा गर्ने गरी दरबन्दी थप भएको हो ।
अर्याल साइबर ब्यूरो स्थापना हुनुअघि केन्द्रीय अनुसन्धान ब्यूरोमा साइबर शाखा प्रमुख थिए । ब्यूरो स्थापना हुँदा उनी त्यता पठाइएका थिए ।
प्रहरी प्रधान कार्यालयले केन्द्रीय अनुसन्धान ब्युरोमा साइबर हेर्ने गरी विज्ञ डिआइजी राख्न प्रस्ताव गरेको थियो ।
नेपाल प्रहरी केनाईन महाशाखा हाल वरिष्ठ उपरीक्षक प्रमुख हुने व्यवस्था छ ।
