आज: | Mon, 23, Sep, 2024
९१३ पाठक संख्या
काठमाडौं – क्रिकेटर सन्दीप लामिछानेले आफू षडयन्त्रको शिकार भएको बताएका छन् ।
बुधबार साँझ सामाजिक सञ्जाल फेसबुकमा एक स्टाटस लेख्दै नेपाली राष्ट्रिय क्रिकेट टोलीका पूर्वकप्तान समेत रहेका लामिछानेले यस्तो बताएका हुन् ।
उनले आफू षडयन्त्रको शिकार भएकोमा कुनै शंका नरहेको बताए । उनले आफूविरुद्ध षडयन्त्र गर्नेलाई भगवानले मूल्याङकन गर्ने उल्लेख गरेका छन् । साथै लामिछानेले सत्यतथ्य सबैकुरा समयसँगै बाहिर आउने उल्लेख गरेका छन् ।
नेपाल क्रिकेट संघ (क्यान) ले आज मात्रै आसन्न टी-२० विश्वकप खेल्ने नेपाली टोलीको घोषणा गरेको थियो । तर उच्च अदालतमा सन्दीपको मुद्दा विचाराधिन रहेका कारण सन्दीप टोलीमा परेनन् ।
