FLASH NEWS

‘बडे मियाँ छोटे मियाँ’लाइ सय करोड कमाउन मुश्किल


नेपाल आवाज ५ बैशाख २०८१, बुधबार ०९:२७ मा प्रकाशित ७८७ पाठक संख्या

मुम्बई । ‘बडे मियाँ छोटे मियाँ’ ले बक्स अफिसमा निकै धूम मच्चाइरहेको छ । यो जादु निर्माणकर्ताले सोचेजस्तो काम गर्न नसके पनि हेर्ने हो भने चलचित्र राम्रो गतिमा अगाडि बढिरहेको छ ।


घरेलु कलेक्शन हेर्दा निराशाजनक लाग्न सक्छ, त्यसैले १०० करोडको आँकडा हेरेर मनलाई केही सन्तुष्टि मिलोस् भनेर निर्माताले फिल्मको विश्वव्यापी कलेक्शन सेयर गरेका छन ।

फिल्मको बजेट करिब ३०० देखि ३५० करोड रुपैयाँ रहेको बताइएकाले हामीले यो भनेको हो । यस्तो अवस्थामा फिल्मले १०० करोडभन्दा बढी कमाए पनि नाफाको सम्भावना छैन ।

अब फिल्मको बक्स अफिस कलेक्शनको कुरा गर्ने हो भने बीएमसीएमले पाँचौं दिन मात्र २.५० करोड कलेक्शन गरेको छ । यो कलेक्शनसँगै फिल्मले पाँच दिनमा ४३.३० करोड कमाएको छ । छैटौं दिन अर्थात् १६ अप्रिलमा पनि अवस्था यस्तै रह्यो भने ६ दिनमा पनि ५० करोड रुपैयाँ पनि कमाइ गर्न सक्दैंन ।

फिल्मको ओपनिङको कुरा गर्ने हो भने पहिलो दिन अर्थात ११ अप्रिलमा बडे मियाँ छोटे मियाँले १५ करोड ६५ लाख कमाएको थियो । यो पहिलो दिन थियो जब मानिसहरू फिल्म हेर्न आएका थिए। त्यसयता यो संख्या बढेको छैन् ।

१२ अप्रिलमा ७.६ करोड, अप्रिल १३ मा ८.५ करोड, अप्रिल १४ मा ९.०५ करोड र अप्रिल १५ मा २.५० करोडको कमाई गर्दै फिल्मले बिस्तारै प्रगति गरिरहेको छ । यदि फिल्मले घरेलु स्तरमा सय करोड कमाउने हो भने कमाईमा ठूलो फड्को चाहिन्छ तर त्यसो गर्न अलि गाह्रो देखिन्छ ।