FLASH NEWS

माध्यमिक शिक्षा परीक्षा (एसईई) खारेजीको प्रस्ताव


नेपाल आवाज १९ श्रावण २०८०, शुक्रबार ०९:०७ मा प्रकाशित १६०९ पाठक संख्या

काठमाडौं – विद्यालय शिक्षा विधेयकले माध्यमिक शिक्षा परीक्षा (एसईई) खारेज गर्ने प्रस्ताव गरेको छ । मंगलबार मन्त्रिपरिषद् बैठकले संघीय संसदमा पठाउन स्वीकृत गरेको विधेयकमा यस्तो प्रस्ताव गरिएको हो ।


विद्यालय संरचनामा आधारभूत तह (कक्षा १–८) र माध्यमिक तह (कक्षा ९–१२) को व्यवस्था छ । शिक्षा, विज्ञान तथा प्रविधि मन्त्रालय सूत्रका अनुसार आधारभूत तहको अन्तिम परीक्षा (कक्षा ८) सञ्चालनको अधिकार स्थानीय तहलाई र माध्यमिक तहको अन्तिम परीक्षा (कक्षा १२) को सञ्चालनको अधिकार राष्ट्रिय परीक्षा बोर्डमा नै निहित हुने तर एसईई खारेज गर्ने प्रस्ताव गरिएको छ ।

कक्षा १० को परीक्षा भने सम्बन्धित विद्यालयले नै लिने गरी प्रस्ताव गरिएको छ । नेपालमा १९९० सालदेखि एसएलसी परीक्षा सुरु भएको हो र २०७३ सालबाट यसको नामकरण एसईई भएको हो ।