FLASH NEWS

पेरूमा थप चर्कियो घडी काण्ड, राष्ट्रपतिको निवासमा मारियो छापा


नेपाल आवाज १८ चैत्र २०८०, आईतवार ०७:१५ मा प्रकाशित २५३ पाठक संख्या

लिमा। पेरुका राष्ट्रपति डिना बोलुआर्टको घरमा लग्जरी घडी प्रकरणको छानबिनका लागि छापा मारिएको छ ।राष्ट्रपति बोलुआर्टेको घरमा अज्ञात लग्जरी घडीहरूसँग जोडिएको भ्रष्टाचार अनुसन्धानको एक भागको रूपमा छापा मारिएको पेरूको प्रहरीले जनाएको छ ।


पुलिस कागजातलाई उद्धृत गर्दै बोलुआर्टेले घोषणा नगरेको रोलेक्स घडीहरू खोज्न शनिबार बिहानको छापामा ४० जना अधिकारीहरू उनको निवासमा पुगेका थिए ।प्रहरी र अभियोजकको कार्यालयको संयुक्त अपरेशन स्थानीय टेलिभिजन च्यानल ल्याटिनामा प्रसारण गरिएको थियो। टेलिभिजनमा अनुसन्धान टोलीका सरकारी एजेन्टहरू राष्ट्रपतिको निवासमा स्लेज ह्यामरको साथ तोडफोड गरिरहेको देखिएको थियो ।

राजधानी लिमाको सुर्किलो जिल्लामा सरकारी एजेन्टहरूले घर घेरेपछि अधिकारीहरूले त्यस आसपासको क्षेत्रमा आवतजावतमा रोक लगाएका थिए। प्रहरीले छापा मारिरहदाँ त्यसबेला राष्ट्रपति भने घरमा नदेखिएको अन्तराष्ट्रिय सञ्चारमाध्यमले जनाएका छन् ।

‘छापा खोजी र कब्जाको उद्देश्यका लागि हो,’ महान्यायाधिवक्ताको कार्यालयको अनुरोधमा न्यायपालिकाले अधिकृतले सो बारेमा जानकारी दिदैँ भने  ।तर, प्रहरीको एक्कासी गरेको छापा पछि भने सरकार आक्रोशित भएको छ । ‘जे जे भयो त्यो राष्ट्रपतिको गरिमा र यसले प्रतिनिधित्व गर्ने राष्ट्रको लागि असहनीय आक्रोश हो, यी कार्यहरू असंगत र असंवैधानिक छन्,’ प्रधानमन्त्री गुस्ताभो एड्रियनजेनले आरपीपी रेडियो र टेलिभिजनलाई सम्वोधन गर्दै भने ।

स्थानीय समाचार आउटलेट ला एन्सेरोनाले राष्ट्रपतिले आधिकारिक कार्यक्रममा विभिन्न रोलेक्स घडीहरू लगाएर जाने गरेको रिपोर्ट गरेपछि अधिकारीहरूले यस महिना बोलुआर्टेमा अनुसन्धान सुरु गरेको जनाएका छन् ।सार्वजनिक तलबमा यति महँगो टाइम पिसहरू कसरी खर्च गर्न सकिन्छ भन्ने प्रश्नको जवाफ दिँदै उनले आफू १८ वर्षको उमेर देखि नै कडा मेहनतको फल भएको बताइकी थिइन ।  मिडियालाई व्यक्तिगत मामिला नचर्काउनसमेत आग्रह गरेकी थिइन ।

महान्यायाधिवक्ता जुआन भिलेनाले यस हप्ता बोलुआर्टेलाई दुई हप्ताको लागि अदालतमा उपस्थित हुन अनुरोध गरेको तर त्यस अनुरोधलाइ अस्विकार गरेको भन्दै  ढिलाइ गरेको भन्दै आलोचना गरेका छन । अनुसन्धानमा सहयोग गर्ने र उनको घडी खरिद गरेको प्रमाण उपलब्ध गराउनु पर्ने भन्दै राष्ट्रपतिले त्यस दायित्ववाट भाग्न नमिल्ने जनाएका छन । उनले यो पनि भने कि बोलुआर्टे अनुसन्धानका लागि तीन रोलेक्स घडीहरू उत्पादन गर्न बाध्य थिए र तिनीहरूको डिस्पोजल वा विनाशको विरुद्ध चेतावनी दिए।